Бөбекжайдың ортаңғы "Сауықтыру" тобының тәрбиеленушілерімен «Заң және тәртіп бала көзімен» тақырыбы аясында "Не дұрыс, не бұрыс?" сюжеттік ойыны ұйымдастырылып өткізілді.
Ойын барысында тәрбиеленушілерге күнделікті өмірде кездесетін түрлі жағдаяттар ұсынылды. Тәрбиеленушілер "Не дұрыс, не бұрыс?" әрекеттерін ажыратып, өз ойларын еркін жеткізе білді. Ал ойыншықты тартып алу, қоқысты жерге тастау, тәртіп бұзу сияқты әрекеттердің бұрыс екенін түсінді.
Тәрбиеленушілер ойынға белсенді қатысып, рөлдік көріністер арқылы тәртіп сақтаудың маңыздылығын көрсетті. Ойын соңында тәрбиеленушілер дұрыс әрекет жасау, әдепті болу және бөбекжайда тәртіпті сақтау қажеттілігі туралы қорытынды жасады.
Бұл ойынның нәтижесінде тәрбиеленушілерде тәртіп, әдептілік және жауапкершілік туралы түсініктер қалыптасты.