Бұл мереке — бір-бірімізге ризашылық білдіріп, еңбекті бағалап, татулық пен сыйластықты нығайтатын ерекше күн. Біздің бөбекжайымыздың табысты жұмысы — сіздердің кәсібиліктеріңіз бен жауапкершіліктеріңіз-дің, тәрбиеленушілерге деген шынайы махаббаттарыңыздың нәтижесі.
Әрқайсыңыздың еңбектеріңіз — үлкен құрметке лайық. Сіздер күн сайын жас ұрпақтың жарқын болашағына жол ашып, мейірім мен білімнің дәнін сеуіп келесіздер. Осы адал қызметтеріңіз үшін баршаңызға шын жүректен алғыс айтамын!
Ұжымымызда әрдайым бірлік пен түсіністік, өзара қолдау мен жылы қарым-қатынас сақталсын. Әр отбасыларыңызға амандық, дендеріңізге саулық, еңбектеріңізге табыс тілеймін! Жасап жатқан игі істеріңіз әрдайым жемісті болсын!
“Алғыс айту” күні құтты болсын!
Құрметпен: Ахметова Маржан Керімділдәқызы