2 сәуір – Халықаралық балалар кітабы күніне орай Жасұлан бөбекжайында «Шын жүректен кітап сыйла!» акциясы аясында ортаңғы «Айгөлек» тобының тәрбиешілері, тәрбиеленушілері және олардың ата-аналары бірлесе отырып, ерекше мейірімді шара өткізді.
Шара барысында тәрбиеленушілер өздері сүйіп оқитын кітаптарын достарына сыйлап, қуаныш сыйлады. Топ тәрбиеленушілерінің ата-аналары да белсенді қатысып, балаларына кітаптың маңызын түсіндіріп, кітап оқу мәдениетін қалыптастыруға өз үлестерін қосты.
Бұл игі бастама балалардың кітапқа деген қызығушылығын арттырып қана қоймай, олардың бойында достық, сыйластық және жомарттық қасиеттерін дамытуға ықпал етті.
Кітап – рухани байлықтың қайнар көзі екенін тағы бір дәлелдеген әсерлі күн болды.
@balhash_audandyk_bilim_bolimi