2 сәуір – Халықаралық балалар кітабы күніне орай бөбекжайымыздың кіші топ тәрбиешілері ортаңғы, ересек және мектепалды топ тәрбиеленушілеріне арналған «Кітап – білім бұлағы» атты танымдық іс-шара ұйымдастырды.
Шара барысында тәрбиеленушілер кітаптың маңызы туралы мағлұмат алып, «Ертегіні тап», «Кітапты жина» ойындарын ойнап, ертегілер әлеміне саяхат жасады. Балалар сүйікті кейіпкерлерін еске түсіріп, кітап туралы тақпақтарын айтып, шағын көріністер көрсетті.
Сонымен қатар, кітапты ұқыпты ұстау және оны күтіп сақтау туралы түсініктері кеңейді. Бұл іс-шарада кіші топ тәрбиешілері бөбекжай тәрбиеленушілеріне ерекше қуаныш сыйлап, олардың кітапқа деген қызығушылығын арттырды.
Аталған шара барысында тәрбиеленушілер «Кітап – білімнің қайнар көзі» екенін терең түсініп, оның мазмұнды әрі қызықты өткеніне көз жеткізді.
@balhash_audandyk_bilim_bolimi